03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Ջերմուկ ոստիկանական ուժեր են բերվել Վայքից, Եղեգնաձորից, մարզի այլ քաղաքներից. ՏԵՍԱՆՅՈՒԹ
Հասարակություն
21.08.2019 | 13:06
Ամուլսարի հարցով Կառավարության դիրքորոշումը հայտնի դառնալուց հետո, այն է՝ թույլատրվում է հանքի շահագործումը, Ջերմուկ քաղաք լրացուցիչ ոստիկանական ուժեր են բերվել:
Մասնավորապես, բնապահպան Անի Խաչատրյանի հրապարակած տեսանյութերում ոստիկանները խոստովանում են, որ Վայք քաղաքից են այստեղ բերվել: Factor.am-ի տեսախցիկն էլ արձանագրեց Ջերմուկի ոստիկանության շենքի դիմաց կայանված մեքենաներ, որոնց վրա գրված է Վայոց ձորի մարզային վարչություն:
Մեզ հետ զրույցում Ջերմուկի ոստիկանապետի օպերատիվ գծով տեղակալ Արմեն Արմենակյանը հաստատեց տեղեկությունները, որ Վայոց ձորի այլ քաղաքներից ոստիկանական ուժեր են բերվել, սակայն նշեց, որ դա պայմանավորված է բացառապես տուրիստական սեզոնին մեծաթիվ զբոսաշրջիկների անվտանգությունն ապահովելու նկատառումներով:
Նա, միաժամանակ, հերքեց ջերմուկցիների շրջանում շրջանառվող տեղեկությունը, որ դա կապված է Ամուլսարի շուրջ զարգացումներով:
Ջերմուկցիներն իրենց հերթին մեզ հետ զրույցում հերքեցին Ոստիկանության պաշտոնյայի տեղեկությունը՝ նշելով, որ երբևէ զբոսաշրջային սեզոնին ոստիկանական ուժերի նման կուտակումներ Ջեմուկում չեն տեսել:
Մանրամասները՝ տեսանյութում:
Ռոբերտ Անանյան
