02.07.2026 | 15:47
ՌԴ-ու եմ ապրել ու աշխատել․ իմ նմաններին արգելելու եք ընտրել․ Աղազարյան․ ՏԵՍԱՆՅՈՒԹ
Կառավարող ուժի կողմից ժողովրդավարության ծիլերը ոչնչացնելը հետ է բերում նախկին քաղաքական համակարգին. Սուրեն Սահակյան․ՏԵՍԱՆՅՈՒԹ
Հասարակություն
20.08.2019 | 20:58
«Քաղաքացու որոշում» կուսակցության ղեկավար Սուրեն Սահակյանը կարևորում է Հայաստանի յուրաքանչյուր քաղաքացու ինքնիշխանության հարցը:
«Սա ենթադրում է, որ ոչ մեկը չպետք է ջերմուկցուն պարտադրի հանք, և ոչ մեկը ՀՀ-ին չպետք է պարտադրի հանքային կցորդ դառնալ»,- Ջերմուկում Ամուլսարի հարցով հրավիրված հանրային քննարկմանն ունեցած ելույթում ասաց Սուրեն Սահակյանը:
Որպես երկրորդ հարց Սուրեն Սահակյանը մատնանշեց ժողովրդավարությունը. «Երբ մենք հեղափոխություն էինք անում, ենթադրում էինք, որ հեղափոխության արդյունքում պետք է ունենանք վիճակ, երբ տեղական ինքնակառավարման մարմիններում որոշումները պետք է կայացնի համայնքի ժողովուրդը, և այն որոշումները, որոնք կարող է կայացնել համայնքի ժողովուրդը, չպետք է բարձրանա վարչապետի, Ազգային ժողովի մակարդակ»:
Նրա խոսքով՝ Երևանում նստած ոչ ոք չի կարող ջերմուկցու կաշվի մեջ մտնել և նրանից ավելի լավ որոշումներ կայացնել: «Այսօր հեղափոխական գործընթացները ստեղծել են վիճակ, երբ մարդիկ չեն վախենում բարձրաձայնել իրենց կարծիքը: Եվ կառավարող ուժի կողմից ժողովրդավարության այդ ծիլերը սեղմելը, ոչնչացնելը մեզ հետ է բերում նախկին քաղաքական համակարգին»,- հայտարարեց Սուրեն Սահակյանը:
Մանրամասները՝ տեսանյութում:
