11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Մեր հարազատների և մտերիմների միջոցով մեզ փորձում են լռեցնել․ Սոնա Աղեկյան․ ՏԵՍԱՆՅՈՒԹ
Հասարակություն
20.08.2019 | 11:45
Վերջին շրջանում տարատեսակ հետապնդումներ են իրականացվում ոչ միայն մեր, այլև մեր մտերիմների ու հարազատների նկատմամբ։ Փորձում են մեզ լռեցնել, խախտում են մեր իրավունքները։
Այս մասին այսօր՝ Եվրամիության հայաստանյան գրասենյակի մոտ հրավիրված ասուլիսի ընթացքում նշեց Երևանի ավագանու նախկին անդամ, «Այլընտրանքային քաղաքապետարան» նախաձեռնության անդամ Սոնա Աղեկյանը։
Նրա խոսքով՝ Հայաստանում ԵՄ գրասենյակ նամակ են հանձնելու, որտեղ ներկայացրել են իրենց այն իրավունքները, որոնք ոտնահարվել են։
Աղեկյանը նշեց, որ նմանատիպ բովանդակությամբ մի նամակ էլ երեկ Մարդու իրավունքների պաշտպանի գրասենյակ են հանձնել։
«Քանի որ այս պահին Հայաստանում ԵՄ պատվիրակության ղեկավարը Պյոտր Սվիտալսկին է, մենք ցանկանում ենք նրա ուշադրությունն այս հարցին հրավիրել։ Մեր իրավունքները տևական ժամանակ է՝ խախտվում են։ Որպես Հայաստանում ԵՄ ներկայացուցչություն, խնդրում ենք, որպեսզի գրասենյակը հետամուտ լինի մեր իրավունքների պաշտպանությանը»,- ընդգծեց Սոնա Աղեկյանը։
Ավագանու նախկին անդամը հավելեց, որ Ոստիկանության կողմից շարունակաբար բերման ենթարկվելիս, ոչ մի անգամ չի լսել հստակ բացատրություն՝ ինչու։
Մանրամասները՝ տեսանյութում․
Նելլի Մելքոնյան
