14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Ստեփանակերտի օդանավակայանում կկազմակերպվի երրորդ օդային փառատոնը
Մշակույթ
19.08.2019 | 19:40
ԱՀ էկոնոմիկայի ու արտադրական ենթակառուցվածքների, ինչպես նաև մշակույթի, երիտասարդության հարցերի ու զբոսաշրջության նախարարությունների և «Յելլ Էքստրիմ պարկ» ընկերության նախաձեռնությամբ Ստեփանակերտի օդանավակայանում օգոստոսի 24-ին կկազմակերպվի օդային երրորդ փառատոնը: Այս մասին «Արցախպրես»-ի թղթակցի հետ զրույցում ասել է ԱՀ մշակույթի, երիտասարդության հարցերի և զբոսաշրջության նախարարության զբոսաշրջության վարչության պետ Արտակ Գրիգորյանը և ավելացրել, որ փառատոնը կմեկնարկի ժամը 15:00-ին:
Նրա խոսքով՝ ամենամյա Artsakh Airfest-ը կուղեկցվի օդային շոու ծրագրով, հայտի բենդների և DJ-ների կատարումներով:
«Կկազմակերպվեն օդապարիկով, ինքնաթիռով և պարապլանով թռիչքներ, որոնց տոմսերը կվաճառվեն տեղում։ Օդային շոու ծրագրի ավարտից հետո Ստեփանակերտի օդանավակայանում կմեկնարկի համերգային ծրագիրը: Մուտքի տոմսի արժեքը 2000 դրամ է, որը ցանկացողները կարող են ձեռք բերել Արմենիա հյուրանոցի դիմաց գտնվող Ստեփանակերտի Զբոսաշրջային տեղեկատվական կենտրոնից, առցանց՝ Idram Payment System-ի միջոցով կամ էլ տեղում»,- նշել է Ա. Գրիգորյանը:
