07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
«Ընդհատել եմ Փաշինյանի ելույթը և դուրս եկել». ակտիվիստ Աննա Շահնազարյան․ ՏԵՍԱՆՅՈՒԹ
Հասարակություն
19.08.2019 | 13:50
Չեմ հանդուրժի, որ ներկայացվի այնպիսի մի բան, որը նման է «մածունը սև է» արտահայտությանը։ Այս մասին այսօր լրագրողների հետ զրույցում նշեց «Հայկական բնապահպանական ճակատ» քաղաքացիական նախաձեռնության անդամ Աննա Շահնազարյանը։
Նրա խոսքով՝ Ամուլսարի հանքի շահագործման հարցով վարչապետ Նիկոլ Փաշինյանի հետ հանդիպմանը մոտ 70 մարդ է ներկա եղել։
«Ջերմուկ համայնքի ներկայացուցիչներից շատերը հանդիպման ընթացքում նշեցին, որ մասնակիցներից ոմանց չեն ճանաչում։ Մարդկանց ինչ-որ զանգված կար, որին ոչ ոք չէր ճանաչում»,- նշեց Աննա Շահնազարյանը։
Ըստ նրա՝ Փաշինյանի ելույթը հիմնականում ուղղված էր ջերմուկցիների և բնապահպանների ներկայացրած հակափաստարկները կանխելուն. «Նա ասում էր, որ մեր հակափաստարկները փաստարկ չեն։ Երբ կա փաստ, չի կարելի ասել, թե դա հիմք չէ ասելու, որ «Լիդիան»-ը հանցագործություն է կատարել և կեղծ տվյալներ ներկայացրել»։
Մանրամասները՝ տեսանյութում:
Նելլի Մելքոնյան
