14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Մեր «մեծարգո» ու մեզ պարտադրված քաղաքապետին տարանք կոյուղաջուր, որ ինքը զգա գարշահոտությունը․ Սոնա Աղեկյանն ազատ արձակվեց
Հասարակություն
16.08.2019 | 14:43
Երևանի ավագանու նախկին անդամ Սոնա Աղեկյանը և Երևանի քաղաքապետարանի Կոմունալ տնտեսության վարչության պետ Արարատ Խաչիկյանը ազատ են արձակվել ոստիկանության Կենտրոնի բաժանմունքից։
Աղեկյանը լրագրողների հետո զրույցում նշեց, որ այսօրվա տեղի ունեցածը ևս մեկ անգամ փաստում է, որ քաղաքային իշխանությունները վախենում են ականջալուր լինել Երևան քաղաքի բնակիչներին։
«Մեր «մեծարգո» ու մեզ պարտադրված քաղաքապետին տարանք կոյուղաջուր, որ ինքը զգա գարշահոտությունը, քանի որ ինքն էր բեմի վրա ցատկոտում ու ասում, որ լինելու է ականջալուր ու ժողովրդավար քաղաքապետ: Հիմա վախեցած է ու սեղանի տակից դուրս չի գալիս, երբ խնդիր ենք բարձրաձայնում, խնդրի պատասխանատվությունը ստանձնում է վարչապետը»,- ասաց Աղեկյանը։
Հիշեցնենք, որ Աղեկյանը Ոստիկանության Կենտրոնի բաժանմունք էր տեղափոխվել երևանի քաղաքապետարանի բակից։
