02.09.2026 | 12:45
Ռուսական զորքերը հարվածել են Օդեսային. բնակելի շենք է վնասվել, կան տուժածներ
Երևանում ապօրինի զենք-զինամթերք կրելու կասկածանքով 13 քաղաքացի է բերման ենթարկվել
Հասարակություն
16.08.2019 | 12:01
Ապօրինի զենք-զինամթերք կրելու և պահելու կասկածանքով ոստիկանություն է բերման ենթարկվել 13 քաղաքացի: Այս մասին տեղեկանում ենք ոստիկանությունից։
«Կանեփ-կակաչ 2019» համալիր օպերատիվ-կանխարգելիչ միջոցառման շրջանակներում ոստիկանության Երևան քաղաքի վարչության և Էրեբունու բաժնի ծառայողները, իրացնելով օպերատիվ տվյալները, օգոստոսի 15-ին, ժամը 23.30-ին, Երկաթուղայինների փողոցի մի հասցեից, ապօրինի զենք-զինամթերք կրելու և պահելու կասկածանքով, բաժին բերման են ենթարկել 13 քաղաքացու: Նրանցից մեկի մոտ հայտնաբերվել է մեկ կաթոցիչ` դեղնականաչավուն զանգվածով, իսկ դեպքի վայրի զննությամբ հայտնաբերվել է երկու ատրճանակ՝ պահունակներով, որից մեկը լիցքավորված է եղել 8, մյուսը` 7 փամփուշտներով: Հայտնաբերվել է նաև մեկ 7.6 սմ շեղբի երկարությամբ ծալովի դանակ:
Նշանակվել է դատաձգաբանական փորձաքննություն:
Կատարվում է նախաքննություն:
