07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Անշարժ գույքի գրանցման գործարքները 17.1%-ով աճել են. Կադաստրի կոմիտե
Տնտեսություն
16.08.2019 | 10:23
Անշարժ գույքի գրանցման գործարքներն այս հուլիսին, նախորդ տարվա նույն ժամանակահատվածի համեմատ, 17.1 %-ով աճել են: Այս մասին տեղեկանում ենք Կադաստրի կոմիտեի լրատվական ծառայությունից:
Աղբյուրի փոխանցմամբ՝ 2019 թվականի հուլիսին հանրապետությունում անշարժ գույքի նկատմամբ իրականացվել է իրավունքի պետական գրանցման 16.073 գործարք, որը, 2019 թվականի հունիսի համեմատ, աճել է 10.3 %-ով, իսկ 2018 թվականի հուլիսի համեմատ՝ 17.1 %-ով:
Երևանում 2019թ. հուլիսին բազմաբնակարան շենքերի բնակարանների 1 ք.մ. մակերեսի հաշվարկով շուկայական միջին գները, 2019 թվականի հունիսի համեմատ, աճել են 0.7 %-ով, իսկ 2018 թվականի հուլիսի համեմատ՝ 9.8 %-ով:
Մարզերի քաղաքներում 2019 թվականի հուլիսին բազմաբնակարան շենքերի բնակարանների 1 ք.մ. մակերեսի հաշվարկով շուկայական միջին գները, 2019 թվականի հունիսի համեմատ, աճել են 0.1 %-ով:
