08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Երևանում զինված «ռազբորկա» է կանխվել. դեպքի վայրում «Մակարով» են հայտնաբերել. shamshyan.com
Հասարակություն
16.08.2019 | 10:12
Ոստիկանության Երևան քաղաքի վարչության քրեական հետախուզության բաժնի ծառայողները, համագործակցելով ոստիկանության Էրեբունու բաժնի և Հայաստանի քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի հետ, ստացված օպերատիվ տվյալներն իրացնելով՝ գիշերը կանխել են Երևանի Էրեբունի վարչական շրջանում՝ հայտնի «վստրեչի» խաչմերուկի հարևանությամբ գտնվող բենզալցակայանի մոտ տեղի ունեցող «ռազբորկան»: Այս մասին հայտնում է Shamshyan.com-ը:
Իրավապահները վնասազերծել և ոստիկանության Էրեբունու բաժին են բերման ենթարկել մեկ տասնյակից ավելի անձանց:
Դեպքի վայրում հայտնաբերվել է 2 հատ «Մակարով» տեսակի ատրճանակ՝ լիցքավորված 9 մմ տրամաչափի փամփուշտներով, ինչպես նաև մի քանի ավտոմեքենա:
Փաստի առիթով ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում հարուցվել է քրեական գործ:
