07.03.2026 | 11:18
Իսրայելը Իրանի ստորգետնյա բալիստիկ հրթիռների գործարանի ու ռազմական ակադեմիայի վրա շուրջ 230 ռումբ է նետել․ TheTtimes of Israel
Արդարադատության նախարարն ընդունել է Հայաստանում Չեխիայի դեսպանին
Հասարակություն
15.08.2019 | 16:19
Արդարադատության նախարար Ռուստամ Բադասյանն այսօր՝ օգոստոսի 15-ին ընդունել է Հայաստանում Չեխիայի Հանրապետության նորանշանակ արտակարգ եւ լիազոր դեսպան Բեդրիխ Կոպեցկիին: Այս մասին հայտնում են ՀՀ ԱՆ տեղեկատվության եւ հասարակայնության հետ կապերի վարչությունից։
Նախարարը ողջունել է դեսպանին Արդարադատության նախարարությունում եւ հույս հայտնել, որ իր գործունեությամբ կնպաստի երկու երկրների հարաբերությունների զարգացմանը:
Դեսպանը շնորհակալություն է հայտնել ընդունելության համար եւ հայ-չեխական սերտ համագործակցության համատեքստում կարեւորել 2019 թվականի մայիսին Չեխիայի կողմից ՀՀ-ԵՄ Համապարփակ եւ ընդլայնված գործընկերության համաձայնագրի վավերացումը:
Նախարարը դեսպանի հետ զրույցում նշել է, որ Հայաստանը ներկայում դատաիրավական եւ հակակոռուպցիոն ոլորտներում բարեփոխումներ իրականացնելու ինտենսիվ աշխատանքներ է իրականացնում, ինչին ի պատասխան դեսպան Կոպեցկին Չեխիայի արդարադատության նախարարության կողմից նշված գործընթացներին աջակցելու պատրաստակամություն է հայտնել:
Հանդիպման ավարտին կողմերը քննարկել են երկուստեք հետաքրքրություն ներկայացնող այլ հարցեր:
