Տեսանյութեր
15.08.2019 | 13:26ՊՆ մամուլի խոսնակ Արծրուն Հովհաննիսյանը այսօր նախարարության մոտ բողոքի ակցիայի մասնակիցներին հորդորեց դիմել իրավապահ մարմիններին, եթե ունեն փաստեր։ Ցուցարարները պնդում էին, որ 7 ամսվա զինծառայող Գարիկ Հակոբյանին հրամանատարը խոշտանգել է, վերջինը ստիպված լքել է զորամասը։
Ըստ ցուցարարների՝ զինծառայողին մեղադրանք է առաջադրվել զորամասը լքելու համար, նա ՌՈ-ում է և ունի առողջական լուրջ խնդիրներ։
«Փաստը, որն ինձ է հայտնի է, այն է, որ իրենց որդին մեկ այլ զինծառայողի հետ վիճել է, մարմնական վնասվածք է հասցրել, հարուցվել է քրեական գործ: Եվ նա հետո արդեն դիմել է փախուստի, ես տեղյակ չեմ՝ այդ մասով քրեական գործ հարուցվե՞լ է, թե՞ ոչ»,- Factor.am-ի հետ զրույցում ասաց Արծրուն Հովհաննիսյանը։
Զինծառայողի հոր պնդումներին, թե հրամանատարն է որդու զորամասը լքելու պատճառը, նա արձագանքեց, որ այդ մասին պետք է հայտնի իրավապահներին։
Մանրամասները՝ տեսանյութում։
Լիլիթ Շաբոյան
