22.04.2026 | 11:36
Թրամփը հայտարարել է, թե Հորմուզի նեղուցի շրջափակման վերացումը վերջ կդնի գործարքի հնարավորություններին
«ՔԿ-ն փորձագիտական եզրակացությունը թերի է ներկայացրել». բողոքի ակցիա՝ Ամուլսարի հանքաշահագործման դեմ. ՏԵՍԱՆՅՈՒԹ
Հասարակություն
15.08.2019 | 12:05
Երեկ Քննչական կոմիտեի կողմից ներկայացված եզրակացությունը լիբանանյան ընկերությանը Կառավարությունն էր պատվիրել։ Ընդամենը երեք նախադասությամբ ներկայացվեցին ենթադրություններ Ամուլսարի հանքաշահագործման՝ Սևանա լճի և Ջերմուկի ջրերի վրա ազդել-չազդելու մասին։
Այս մասին այսօր Կառավարության դիմաց Ամուլսարի հանքաշահագործման դեմ բողոքի ակցիայի ընթացքում նշեց Համահայկական բնապահպանական ճակատի անդամ Լևոն Գալստյանը։
«ՇՄԱԳ-ի գնահատումները թերի են, համապատասխան հետևությունները՝ անվստահելի։ Հետևաբար՝ հարցին, թե արդյոք հանքավայրի ընդհանուր շահագործումը կարող է անվտանգ համարվել, հնարավոր չէ պատասխել։ Եթե վերլուծություններն ու հետևություններն անվստահելի են, իսկ գնահատումները՝ թերի, ինչպես է Քննչական խմբի ներկայացուցիչը, ի լուր ամբողջ ժողովրդի, հայտարարում, որ այս ուսումնասիրությունից եզրակացնում են, թե ոչ մի խնդիր չկա»,- նշեց Լևոն Գալստյանը։
Մանրամասները՝ տեսանյութում։
Նելլի Մելքոնյան
