14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Մոսկվայում Ադրբեջանի դեսպանատունը նոտա է հղել ՌԴ ԱԳՆ-ին
Քաղաքականություն
15.08.2019 | 11:57
ՌԴ ԱԳՆ-ին Ռուսաստանում Ադրբեջանի դեսպանատունը պաշտոնական նոտա է հղել ՌԴ ԱԳՆ-ին՝ կապված Պյատիգորսկում «Մաշուկ 2019» ֆորումում հայ դիվանագետի ելույթի հետ:
Այս մասին հաղորդում են ադրբեջանական լրատվամիջոցները: Նշենք, որ օգոստոսի 9-ին Պյատիգորսկ քաղաքում մեկնարկել է «Մաշուկ 2019» հյուսիսկովկասյան երիտասարդական համաժողովը, որի ընթացքում ելույթ է ունեցել նաև ՌԴ-ում ՀՀ դեսպան Վարդան Տողանյանը:
Interfax-ի փոխանցմամբ՝ ՀՀ դեսպանը ֆորումի մասնակիցների հետ հանդիպման ժամանակ «անթույլատրելի արտահայտություններ է արել Ադրբեջանի, երկրի ինքնիշխանության և տարածքային ամբողջականության վերաբերյալ, ինչն առաջացրել է համաժողովին մասնակցող «Բաքվի երիտասարդության ակումբ» հասարակական միավորման նախագահ Սաբիր Ռուստամովի դժգոհությունը և տհաճ միջադեպ է գրանցվել»:
Այդ կապակցությամբ Ռուստամովը նամակով դիմել է ՌԴ-ում Ադրբեջանի դեսպանատուն՝ մանրամասնորեն պատմելով կատարվածի մասին, և խնդրել է աջակցել իրեն: Ադրբեջանական դեսպանատունն իր հերթին պաշտոնական նոտա է հղել Ռուսաստանի ԱԳՆ-ին: «Բացի այդ, դեսպան Փոլադ Բյուլբյուլօղլուն, չնայած նախապես ձեռք բերված պայմանավորվածությանը, հրաժարվել է Պյատիգորսկ մեկնելուց և համաժողովի աշխատանքներին և նախատեսված հանդիպումներին մասնակցությունից»,- գրում է աղբյուրը:
