Քաղաքականություն
20.09.2017 | 16:45Հայաստան-սփյուռք 6-րդ համաժողովն իր մեծությամբ և կազմակերպվածությամբ տարբերվեց նախորդներից. համաժողովի ավարտից հետո լրագրողների հետ զրույցում ասաց ՀՀ սփյուռքի նախարար Հրանուշ Հակոբյանը:
«Ընդունված հայտարարությունում բյուրեղացվել են այն հիմնական հարցադրումները, որոնք ընդհանրապես եղել են հայրենիք-սփյուռք գործակցության և, ինչու չէ, այս համաժողովի ընթացքում են եղել»,- ասաց նախարարը՝ կարևորելով այն, որ մասնակիցները հնարավորություն ստացան երկրի առաջին դեմքերի հետ շփվել, լսել նրանց, հարցեր հնչեցնել և ստանալ պատասխաններ:
Նախարարը չհամաձայնեց այն պնդումների հետ, որ այս համաժողովների ընթացքում որևէ հարց չի լուծվում:
«Ընդհանրապես այսպիսի խոշոր համաժողովը ամփոփում է եղածը, և գաղափարներ է առաջադրում, այստեղ որևէ գործնական քայլ չի լուծվում, դրանք ժամանակի ընթացքում հետագայում պետք է լուծվեն»,- ի պատասխան Factor.am-ի հարցին՝ պարզաբանեց Հրանուշ Հակոբյանը:
Մանրամասները՝ տեսանյութում:
Շողիկ Գալստյան
