Ռուսաստանը, Իրանն ու Ադրբեջանը միավորում են էներգացանցերը

Ռուսաստանը, Ադրբեջանն ու Իրանը համաձայնագիր են կնքել՝ էներգետիկ համակարգերի միավորման նախագծի միասնական  մշակման  մասին։

Ըստ համաձայնագրի՝  երկրները միասին մշակելու են «Հյուսիս-հարավ»  էլեկտրաէներգետիկական միջանցքի նախագծի իրագործելիության տեխնիկատնտեսական  ուսումնասիրությունը։ Այս մասին հայտնում է ՌԻԱ Նովոստի-ն։

Համաձայնագիրը կնքվել է ռուսական «Համակարգային օպերատոր» և «Ռոսցանցեր» , ադրբեջանական «Ազերէներժի» և իրանական «Թավանիր» ընկերություններին միջև։

Այն դիտարկվում է որպես «Հյուսիս-հարավ» միջազգային տրանսպորտային միջանցքի նախագծի բաղադրիչ։

«Այս պահին Ադրբեջանը մեծացրել է էլեկտրաէներգիայի արտադրության ծավալները, այդ իսկ պատճառով՝ նրա համար էներգետիկ միջանցքը հնարավորություն է մեծացնել էներգետիկ ռեսուրսների արտահանումը։ Իրանը և Ռուսաստանը տարածաշրջանայաին մակարդակով լրացուցիչ էներգիայի կարիք ունեն, այնպես որ ցանցերի համաժամանակյա դարձնելը և Ադրբեջանից էներգիայի ավելցուկը հարևան երկրներին փոխանցելը դրական արդունք կտան և՛ առևտրային, և՛ գյուղատնտեսական համատեքստում։ «Հյուսիս-հարավ» -ը մեր երկրներին էլեկտրաէներգիայի մատակարարմամբ կապահովի, ինչը թույլ կտա զարգանալ՝  նախագծերը հետոյին չթողնելով»,- նշել է տնտեսագետ Ռովշան Իբրաիմովը։

Աղբյուրի փոխանցմամբ՝ Ռուսաստանի, Ադրբեջանի և Իրանի միջև Էլեկտրաէներգիայի փոխանակումը մշտապես աճում է։ Զարգանում է էներգացացերի կապը  նաև Վրաստանի և Թուրքիայի հետ։

Նելլի Մելքոնյան