06.10.2026 | 22:37
Թարմացվել է Ադրբեջանում քաղբանտարկյալների ցուցակը․ դրանում ներառված է 322 անձ
Եթե դա ճիշտ լիներ, ապա պարոն Կարապետյանին պետք է արդեն մեղադրանք առաջադրված լիներ․ Հայկ Ալումյան․ ՏԵՍԱՆՅՈՒԹ
Հասարակություն
14.08.2019 | 13:02
ՀՀ երկրորդ նախագահ Ռոբերտ Քոչարյանի պաշտպաններից Հայկ Ալումյանը վստահեցնում է, որ գործի նյութերում որևէ հիմք չկա, որ մարտի 1-2-ի դեպքերի ժամանակ գեներալ Սամվել Կարապետյանի՝ Օգանովսկու գլխավորությամբ զինվորականների խումբ է տեղակայվել նախագահականում:
«Պարոն Քոչարյանի վերաբերյալ գործի բոլոր նյութերը մեր տրամադրության տակ են, և դրանք չեն տալիս որևէ հիմք՝ ասելու, որ Սամվել Կարապետյանը, ըստ Ձեր վկայակոչած նյութի՝ նրա հետ եղած զինվորականները, իբր, տեղակայվել են նախագահականի որևիցե հատվածում: Այն նյութերը, որ այսօր կան քրեական գործերում, հիմք չեն տալիս այդպիսի հետևություն անելու համար, և որ նրա կողմից հրաման է տրվել կրակել, այդպիսի բան քրեական գործի նյութերում չկա»,- լրագրողների հետ հանդիպմանն ասաց Հայկ Ալումյանը:
Նրա խոսքով՝ հասկանալի է, որ եթե նման բան լիներ, Սամվել Կարապետյանին պետք է մեղադրանք առաջադրված լիներ:
«Իմ կարծիքով՝ խնդիրը հետևյալն է. իրենք այդպես էլ կա՛մ չեն ուզում, կա՛մ չեն կարողանում բացահայտել գոնե մի սպանության հանգամանք՝ սկզբից մինչև վերջ, բայց ուզում են տպավորություն ստեղծել, որ այդ բոլոր մահերը կամ առնվազն քաղաքացիական ութ անձի մահերը տեղի են ունեցել կառավարական ուժերի կրակոցի հետևանքով: Իրենք ուզում են այդպիսի տպավորություն ստեղծել»,- ասաց փաստաբանը:
Մանրամասները՝ տեսանյութում:
