04.04.2026 | 11:15
Իսակովի պողոտայում 3 ավտեմեքենա է բախվել․ վարորդներից մեկը հոսպիտալացվել է
«Սասնա ծռերի» աջակիցները բողոքի ակցիա են իրականացնում. դատական նիստում հարցաքննվում են վկաները
Հասարակություն
14.08.2019 | 11:34
«Սասնա ծռեր» խմբի տասը անդամի գործով այսօրվա դատական նիստն ուղեկցվում է խմբի աջակիցների բողոքի ակցիայով: Նրանք պահանջում են ազատ արձակել կալանքի տակ գտնվող Սմբատ Բարսեղյանին և Արմեն Բիլյանին:
Դատարանում ակցիային զուգահեռ ընթանում է վկաների հարցաքննությունը:
Վկաներից Լուսինե Ղազարյանն ասաց, որ ՊՊԾ գնդի գրավման օրերին աշխատել է շտապօգնությունում՝ որպես բուժքույր: Նա պատմեց, որ գնդի ներսում դի է եղել, որը մեքենայով տեղափոխել են այլ վայր: Ասաց՝ վնասվածքները չեն երևացել, միայն շատ արյուն է եղել: Վկան ասաց նաև, որ որևէ մեկին չի ճանաչել:
Այսօր նախատեսվում է հարցաքննել ևս չորս վկայի:
Լիլիթ Շաբոյան
