11.07.2026 | 00:59
ԱԱ-2026․ Իսպանիան հաղթեց և կիսաեզրափակիչում կմրցի Ֆրանսիայի հետ․ ՏԵՍԱՆՅՈՒԹ
ԱՄՆ-ն Պարսից ծոցը վառոդի տակառի է վերածել. Զարիֆ
Քաղաքականություն
13.08.2019 | 19:13
Ամերիկյան կողմի զենքի վաճառքը Պարսից ծոցը վերածել է վառոդի տակառի, որը պատրաստ է ցանկացած պահի պայթել: «Ալ Ջազիրա»-ին տված հարցազրույցում այս մասին ասել է Իրանի ԱԳ նախարար Մոհամմադ Ջավադ Զարիֆը, գրում է ԻՌՆԱ-ն:
ԱՄՆ-ին քննադատելով Պարսից ծոցի երկրներին զենք մատակարարելու համար՝ Զարիֆը հայտարարել է, որ միայն անցյալ տարի Վաշինգտոնը տարածաշրջանին 50 մլրդ դոլարի զենք է վաճառել:
«Տարածաշրջանի որոշ երկրներ, որտեղ մեր բնակչության մեկ երրորդից էլ պակաս մարդ է ապրում, 87 մլրդ դոլար են ծախսում ռազմական գնումների համար: Եկեք համեմատենք. անցյալ տարի Իրանը 16 մլրդ դոլար է ծախսել իր զինված ուժերի բոլոր ծախսերի համար, սա այն դեպքում, երբ բանակում շուրջ մեկ միլիոն մարդ կա, մինչդեռ 1 մլն բնակչություն ունեցող ԱՄԷ-ն՝ 22 մլրդ դոլար, իսկ Սաուդյան Արաբիան՝ 87 մլրդ դոլար»,- հավելել է նա:
«Եթե խոսում եք տարածաշրջանից եկող սպառնալիքների մասին, ապա սպառնալիքները գալիս են ԱՄՆ-ից և նրա դաշնակիցներից, որոնք տարածաշրջանը զենքով են ողողում՝ այն վերածելով պայթելու պատրաստ վառոդի տակառի»,- նշել է Զարիֆը՝ հավելելով, որ եթե ԱՄՆ-ն ուզում է խոսել Իրանի հրթիռների մասին, ապա պետք է նախ դադարեցնի զենքի մատակարարումները տարածաշրջանի երկրներին:
