04.02.2026 | 12:00
Փաշինյան-Ալիև հանդիպում Աբու Դաբիում // Իշխանական պատգամավորը մեղադրյալի կարգավիճակ չունի․ ԼՈՒՐԵՐ
Քաղավիացիայի կոմիտեն հերքում է «Պոբեդա» ավիաընկերությանը խոչընդոտելու մասին լուրերը
13.08.2019 | 17:22
Լրատվամիջոնցների կողմից տարածված տեղեկատվությունը, թե իբր Քաղաքացիական ավիացիայի կոմիտեի նախագահ Տաթեւիկ Ռեւազյանը խոչընդոտում է ռուսական «Պոբեդա» ավիաընկերությանը չվերթ կատարել դեպի Երեւան, չի համապատասխանում իրականությանը։ Այս մասին հայտնում են Քաղաքացիական ավիացիայի կոմիտեից։
Կոմիտեն հայտնում է, որ ռուսական «Պոբեդա» ավիաընկերության կողմից դեպի Երեւան թռիչքներ իրականացնելու համար որեւէ հայտ չի ստացել: ՌԴ ավիացիոն իշխանություններից դիվանագիտական ուղիներով չի ստացվել նաեւ ավիաընկերության նշանակումը Ռուսաստանի որեւէ քաղաքից դեպի Երեւան թռիչքներ իրականացնելու վերաբերյալ։
Ավելին, Կոմիտեն մինչ այս պահը չի ստացել որեւէ պաշտոնական գրություն ավիաընկերությունից Աշուն/Ձմեռ 2019-2020 նավիգացիոն շրջանում չվերթներ չիրականացնելու վերաբերյալ։
