04.02.2026 | 13:43
Թուրքիայի հետ հարաբերությունների լավացման համատեքստում է. Գալյանը՝ սիրիացի վարձկանների փոխանցման մասին․ ՏԵՍԱՆՅՈՒԹ
Արսեն Թորոսյանի դատական հայց է ներկայացվել՝ ուղիղ եթերում արված հայտարարությունները հերքելու պահանջով
Հասարակություն
13.08.2019 | 14:19
«Հայկական առողջապահական ազգային խորհուրդ» քաղաքացիական հասարակական կազմակերպությունը դատական հայց է ներկայացրել ընդդեմ առողջապահության նախարար Արսեն Թորոսյանի:
Դատական տեղեկատվական համակարգից տեղեկանում ենք, որ հայցադիմում է ներկայացվել ՀՀ Երևան քաղաքի ընդհանուր իրավասության առաջին ատյանի դատարան ընդդեմ Թորոսյանի՝ 07.05.2019 թվականին ֆեյսբուքյան իր անձնական էջից արված ուղիղ եթերից զրպարտություն համարվող տեղեկատվությունը հրապարակայնորեն հերքելու և վիրավորանքի համար հրապարակային ներողություն խնդրելու պարտավորեցնելու պահանջների մասին:
Այդ ուղիղ եթերում Թորոսյանը պատվաստումների դեմ ելույթ ունեցողներին անվանել է «շահադիտական նպատակներով մեր ազգաբնակչության առողջությունը վտանգի տակ դնողներ»:
Հայցադիմումը դատարանը ետ է վերադարձրել դրանում առկա սխալնրը եռօրյա ժամկետում ուղղելու համար։
Նշենք, որ այս գործը մակագրվել է դատավոր Հովիկ Շահնազարյանին։
