14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
2018-ի հունվար-սեպտեմբեր ամիսներին «Սանիթեք»-ը պետբյուջե չի վճարել 280 մլն դրամ. ՊԵԿ փոխնախագահ․ ՏԵՍԱՆՅՈՒԹ
Տնտեսություն
13.08.2019 | 11:42
Կատարված հարկային պարտավորությունների նախնական հաշվարկների համաձայն՝ «Սանիթեք ինթերնեյշնլ» ՍՊԸ-ն 2018 թվականի հունվար-սեպտեմբեր ամիսների համար չի հաշվարկել և պետական բյուջե չի վճարել 299.918.392 ՀՀ դրամ ԱԱՀ, իսկ «Սանիթեք ՍՊԸ» հայաստանյան մասնաճյուղը` 280.429.121 ՀՀ դրամ ԱԱՀ:
Այս մասին այսօր հրավիրված մամուլի ասուլիսի ընթացքում նշեց Պետական եկամուտների կոմիտեի նախագահի տեղակալ Էդվարդ Հովհաննիսյանը:
«Պարզվել է նաև, որ «Սանիթեք» ընկերությունը, իր գործունեության տեսակով հանդիսանալով ԱԱՀ վճարող, ինչ-ինչ հանգամանքներից ելնելով, գտել է, որ գործունեության մի մասը՝ աղբի տեղափոխումը, կարող է որակել որպես բեռնափոխադրում։ Աղբահանության ընդհանուր գործընթացի մեջ ներառված ծառայությունների մի մասը՝ սանմաքրման և ձմեռային պահպանման, ընկերությունը շարունակել է հարկել ԱԱՀ-ով, իսկ աղբի տեղափոխման գործընթացը համարել բեռնափոխադրում, իսկ ընկերությունը՝ հաստատագրված վճար վճարող: Մեր դիտարկմամբ՝ գործունեության այդ մասը չի կարող դիտարկվել որպես բեռնափոխադրում»,- ընդգծեց ՊԵԿ փոխնախագահը։
Նրա խոսքով՝ աղբի տեղափոխությունն աղբահանության գործընթացի առանձին բաղկացուցիչ մաս է և ներառվում է ընդհանուր աղբահանության մեջ, այսինքն՝ չի հանդիսանում առանձին բեռնափոխադրման տեսակ։
Էդվարդ Հովհաննիսյանը հավելեց, որ «Սանիթեք ինթերնեյշնլ»-ում և «Սանիթեք» ՍՊԸ հայաստանյան մասնաճյուղում այս պահին համալիր հարկային ստուգումներ են նշանակված։
Մանրամասները՝ տեսանյութում։
Նելլի Մելքոնյան
