12.06.2026 | 16:10
Գյումրիի «Մայր Հայաստան»-ի վանդալիզմից մինչև «ուկրաինացման» թեզեր․ ո՞ւմ էր ձեռնտու միջադեպի քաղաքականացումը
«2017-ի առաջին 7 ամիսներին ապօրինի գործունեության 126 դեպք է արձանագրվել». ՊԵԿ փոխնախագահ․ ՏԵՍԱՆՅՈՒԹ
Տնտեսություն
13.08.2019 | 11:31
2019թ. առաջին յոթ ամիսներին ՀՀ Հարկային օրենսգրքի 407-րդ հոդվածով (ապօրինի գործունեությամբ զբաղվելը) արձանագրվել է 126 դեպք: Այս մասին այսօր հրավիրված մամուլի ասուլիսի ընթացքում նշեց Պետական եկամուտների կոմիտեի (ՊԵԿ) նախագահի տեղակալ Էդվարդ Հովհաննիսյանը:
Նրա խոսքով՝ նշված դեպքերի հիման վրա կազմվել է պարտավորությունների առաջադրման 89 վարչական ակտ՝ ընդհանուր 47.9 մլն դրամի չափով:
«408-րդ հոդվածով (լիցենզավորման կամ ծանուցման ենթակա գործունեությունն առանց լիցենզիայի կամ առանց ծանուցման իրականացնելը կամ բնական պաշարներն օգտագործելը) արձանագրվել է 35 դեպք, ինչի հիման վրա կազմվել է պարտավորությունների առաջադրման 20 վարչական ակտ՝ ավելի քան 21.5 մլն ՀՀ դրամի չափով, իսկ 410-րդ հոդվածով (ապրանքների մատակարարման կամ տեղափոխության գործարքների փաստաթղթավորման պարտադիր պահանջները խախտելը) արձանագրվել է 458 դեպք, ինչի հիման վրա կազմվել է պարտավորությունների առաջադրման 361 վարչական ակտ՝ շուրջ 306 մլն ՀՀ դրամի չափով»,- ընդգծեց ՊԵԿ փոխնախագահը։
Մանրամասները՝ տեսանյութում։
Նելլի Մելքոնյան
