16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Կադրային փոփոխություններ ԱՄՆ հետախուզության կառույցում․ VOA
Քաղաքականություն
12.08.2019 | 21:46
Նախագահ Դոնալդ Թրամփը թվիթերյան գրառման միջոցով հայտնել է ԱՄՆ հետախուզական կառույցներում իրականացվող կադրային փոփոխությունների մասին
Նախագահ Դոնալդ Թրամփը թվիթերյան գրառման միջոցով տեղեկացրել է, որ ընդունել է ազգային հետախուզության փոխտնօրեն Սյու Գորդոնի հրաժարականը: Վերջին շրջանում նրա անունը շրջանառվում էր գործակալության ղեկավարի պաշտոնակատարի պաշտոնը ստանձնելու հարցում:
Հայտնի է դարձել, որ Գորդոնը հրաժարականի մասին տեղեկացրել է նախագահ Թրամփին վերջինիս ուղղված նամակում, որը նա բնութագրել է որպես հարգանքի և հայրենասիրության դրսևորում՝ ընդգծելով, որ նախագահը պետք է ունենա իր սեփական թիմը:
Գորդոնի հեռացումը համընկավ ազգային հետախուզության տնօրեն Դեն Քոթսի հրաժարականի հետ, ով տեղեկացրել էր նախօրեին, որ թողնում է պաշտոնը օգոստոսի 15-ից:
Թրամփն իր թվիթերյան գրառման մեջ նշել է, որ ժամանակավոր պաշտոնակատարի պաշտոնը կստանձնի թոշակի անցած ծովակալ Ջոզեֆ Մագվայերը, ով ղեկավարել է ԱՄՆ ազգային հակաահաբեկչական կենտրոնը: Նախագաը դեռևս չի հայտնել, թե մշտապես ով կստանձնի ազգային հետախուզության ղեկավարի պարտականությունները:
