04.02.2026 | 11:45
«Փյունիկ»-«Սպարտակ» խաղի գոլերը․ ներկա է եղել նաև Եղիշե Մելիքյանը
Հատուկ նշանակության զորքերի ծառայողներին բորբոսնած լավաշ մատակարարած ընկերությունը տուգանվել է
Հասարակություն
12.08.2019 | 18:31
ՀՀ ոստիկանության հատուկ նշանակության զորքերի ծառայողներին բորբոսնած լավաշ մատակարարած ընկերությունը ենթարկվել է տուգանքի:
Այս մասին Factor.am-ին փոխանցում են Պաշտպանության նախարարությունից:
«Պաշտպանության նախարարության եւ հացթխման ծառայություն իրականացնող մասնավոր կազմակերպության միջեւ գնումների գործընթացի շրջանակներում կնքված պայմանագրի համաձայն ընկերությունն անորակ լավաշ մատակարարելու համար ենթարկվել է տուգանքի՝ պայմանագրավ սահմանված չափով»,- նշված է գերատեսչության պատասխանում:
Պաշտպանության նախարարությանը խնդրել էինք տրամադրել տուգանքի չափը եւ նշել, թե որ կազմակերպությունն է մատակարարել լավաշը, բայց կառուցը որեւէ տեղեկություն չի տրամադրել:
Հիշեցնենք, որ ՀՀ ոստիկանության հատուկ նշանակության զորքերի ծառայողներին դիրքերում մատակարածված բորբոսնած լավաշի մասին տեղեկությունը շրջանառվել էր ֆեյսբուք սոցիալական ցանցում:
Նարեկ Կիրակոսյան
