08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Մենք արդեն հինգ անգամ հանդիպել ենք. Սամվել Բաբայանը` իր և Արայիկ Հարությունյանի հանդիպումների մասին. ՏԵՍԱՆՅՈՒԹ
Հասարակություն
12.08.2019 | 15:24
Արցախի ՊԲ նախկին հրամանատար Սամվել Բաբայանն այսօր դատարանում պատասխանելով Factor.am-ին հարցին, թե ԱԱԾ տնօրենի նախաձեռնությամբ իր և Արայիկ Հարությունյանի միջև կայացած հանդիպմանն ի՞նչ պայմանավորվածություն է ձեռք բերվել ասաց. «Արայիկ Հարությունյանի հետ մենք մի 5 անգամ հանդիպել ենք՝ որպես քաղաքական ուժեր, ԱԱԾ տնօրենն այստեղ կապ չունի»։
Բաբայանը պնդեց՝ միասնական թեկնածու չի լինելու: Հարցին՝ արդյո՞ք իշխանության բաժանման պայմանավորվածություն կա իր և Արցախի նախկին վարչապետի միջև, Սամվել Բաբայանը պատասխանեց. «Դա իրականությանը չի համապատասխանում, որևիցե մեկի հետ չի եղել բանակցություն ինչ-որ բան կիսելու շուրջ»։
ՊԲ նախկին հրամանատարը նաև ասաց, որ իր համար հասկանալի չէ, թե ինչո՞ւ են քննարկման առարկա դարձել միայն իր և Հարությունյանի միջև կայացած հանդիպումները: Հայտնեց, որ յոթ քաղաքական ուժերի ներկայացուցիչների հետ էլ հանդիպել է:
Մանրամասները` տեսանյութում:
Լիլիթ Շաբոյան
