18.09.2026 | 18:02
Բաքվում մահացած է հայտնաբերվել ԱՄՆ բանակի ադրբեջանցի զինծառայող
Էդմոն Մարուքյանն առաջարկում է ստեղծել քաղբանտարկյալների իրավունքները վերականգնելու մասնագիտացված դատարան․ ՏԵՍԱՆՅՈՒԹ
Հասարակություն
12.08.2019 | 15:07
Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանն առաջարկում է ստեղծել քաղաքական հետապնդումների գործերով զբաղվող մարմին՝ դատարան»։
Այս մասին նա հայտարարել է ֆեյսբուքյան ուղիղ եթերում։ «Մարտի 1-ի գործով մոտ 90 անձ դատապարտվել է, 100-ավոր մարդ ձերբակալվել, կալանավորվել են՝ քրեական հետապնդման ենթարկվել։ Այդ մարդիկ հիմա համարվում են դատված մարդիկ, հիմա խնդիր կա այս մարդկանց գործերի վերանայման։ Բացի սա, մենք ունենք մինչև «Մարտի 1»-ը քաղաքական հետապնդման ենթարկված անձինք։ Ի՞նչ պետք է անել։ Տարբերակներից մեկն այն էր, որ ստեղծվեր Ճշմարտության հանձնաժողով, որը սակայն, չի կարող մարդուն արդարացնել։ Ես կարծում եմ միգուցե մենք ստեղծեինք Մարտի 1-ի գործերով մասնագիտացված դատարան և այդ քաղաքական հետապնդումների ենթարկված մարդիկ դիմեինց, իրենց գործի նյութերը ներկայացնեին և արդարացման դատավճիռ ստանային ու նաև՝ փոխհատուցման իրավունք։ Բայց մինչև Մարտի 1-ն էլ են եղել քաղաքական հետապնդումներ, միգուցե ստեղծել մասնագիտացված դատարան, որը նշված գործերով կզբաղվի»,- ասաց Էդմոն Մարուքյանը։
Նա անհրաժեշտ է համարում զոհերի իրավունքների վերականգնումը, ինչը թույլ կտա շարժվել առաջ։
Մանրամասները՝ տեսանյութում։
