02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
ՀՊՏՀ մի խումբ դասախոսների թույլ չեն տվել մտնել համալսարան՝ ռեկտորի ասուլիսի պատճառով․ ՏԵՍԱՆՅՈՒԹ
Հասարակություն
12.08.2019 | 14:43
Հայաստանի պետական տնտեսագիտական համալսարանի մի խումբ դասախոսների հնարավորություն չի ընձեռվել մտնել բուհ, երբ ընթանում էր ռեկտորի պաշտոնակատար Ռուբեն Հայրապետյանի մամուլի ասուլիսը: Այս մասին լրագրողների հետ զրույցում ասացին բուհի գլխավոր մուտքի մոտ հավաքված դասախոսները:
Նրանք փոխանցեցին, որ անվտանգության աշխատակիցները ճշտել են, որ եթե պետք է մտնեն մամուլի ասուլիսի սրահ, ապա մուտքի հնարավորություն չեն ունենալու:
Դասախոսներից մեկը նշեց, որ իրենց համար պատվաբեր չէր լինի, որ ստելով ներս մտնեին: Նրանք լրագրողների հետ զրույցում շարունակեցին պնդել, որ ռեկտորի պաշտոնակատարի ատենախոսությունն արտագրված է:
Նշենք, որ նրանք բուհի այն դասախոսներն են, որոնք մրցույթներից կտրվել են և զրկվել դասավանդելու իրավունքից:
Մանրամասները՝ տեսանյութում:
Նարեկ Կիրակոսյան
