07.06.2026 | 10:16
Գործարարը Չինաստանից Մոսկվայով վերադառնալուց հետո ծանուցագիր է ստացել վարժական հավաքների մասնակցելու վերաբերյալ
Թմրամիջոցի հայտնաբերում Երևանում
10.08.2019 | 19:10
«Կանեփ-Կակաչ 2019» համալիր օպերատիվ կանխարգելիչ միջոցառման շրջանակներում օգոստոսի 8-ին ոստիկանության ԿՀԴՊԳՎ ԹԱՇԴՊ վարչությունում ստացված օպերատիվ տվյալներն իրացնելիս, ոստիկանության Կենտրոնական բաժնի ծառայողների հետ համատեղ Լեոյի փողոցից ապօրինի թմրանյութ պահելու և օգտագործելու կասկածանքով ոստիկանություն բերման են ենթարկել՝ երկու քաղաքացու՝ իրենց մեքենայով:
Նրանցից մեկի անձնական խուզարկությամբ հայտնաբերվել է 1.1 գ. կշռով, փայլաթիթեղով փաթեթավորված դեղնականաչավուն զանգված և 0.4 գ. կշռով ծխախոտի գլանակ, որի մեջ առկա է մուգ կանաչավուն զանգված, որը համաձայն վերջինիս հայտարարության թմրանյութ է:
Մյուս բերման ենթարկվածը նշել է, որ տանը պահում է «Մարիխուանա» տեսակի թմրամիջոց:
Նա տան հարակից հողամասից ներկայացրել է 20 հատ «Կանեփ» տեսակի բույսի թփեր և 3 հատ արդեն իսկ կտրված և չորացված «Կանեփ» տեսակի բույսեր, ներկայացվածն արմատախիլ է արվել և վերցվել:
Նշանակվել են փորձաքննություններ:
Նախապատրաստվում են նյութեր:
