02.09.2026 | 12:06
Պաշտոնանկություններ ԿԳՄՍՆ-ում․ Փաշինյանը որոշումներ է ստորագրել
Մենք վերջապես կազատվենք արտերկրի կախվածությունից. Վարդան Սրմաքեշ
Տնտեսություն
10.08.2019 | 17:17
Վարչապետ Նիկոլ Փաշինյանն այսօր աշխատանքային այց է կատարել Շիրակի մարզի Մարալիկ քաղաք և մասնակցել Մարալիկի բամբակամանվածքային գործարանի վերագործարկման արարողությանը։
Նշենք, որ այս 13 մլն ԱՄՆ դոլար արժողությամբ ներդրումային ծրագիրն իրականացնում է «Արթիկի ՓՀԿ» ՍՊԸ-ն։
Գործարանի համասեփականատեր շվեյցարահայ հայտնի գործարար, «Ֆրանկ Մյուլլեր» ապրանքանիշի սեփականատեր Վարդան Սրմաքեշը լրագրողների հետ զրույցում, անդրադառնալով գործարանի բացմանը, նշեց, որ իրենց հիմնական խնդիրը թելի արտադրության նախնական փուլն է, քանի որ ամբողջ տեքստիլի հիմքը հենց թելն է:
«Եթե հիմա գործարանն ամբողջ հունով աշխատի, ինքն իր շուրջը կհամախմբի ավելի փոքր գործարանների, որոնք կսկսեն աշխատել եւ հսկայական թվով աշխատատեղ կապահովվի, ինքը կլաստերի պես իր շուրջը կհամախմբի ամբողջ տեքստիլը: Այսօր մեր հիմնական թիրախային գնորդը «Տավուշ ձեռնոցն» է, որը հումքը արդեն երկար տարիներ ներմուծում է արտերկրից: Մենք վերջապես կազատվենք արտերկրի կախվածությունից: Արտադրանքի մեծությունը հասնում է ամբողջ Սովետական միությունում արտադրվածի չափին, այսինքն` տեխնոլոգիաներ են փոխվել, նոր տեխնոլոգիաները թույլ են տալիս, որ ավելի արագացված ու հեշտ լինի արտադրանքի ստացումը»,- ասաց Սրմաքեշը:
Վերջինիս խոսքով՝ թեև այս գործարանում միջին աշխատավարձը 297 հազար դրամ է լինելու, սակայն առկա է մասնագետների խնդիր:
