23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Հայաստանի և Ադրբեջանի փոխադարձ մեղադրանքները մտահոգում են ՌԴ-ին. Մարիա Զախարովա
Քաղաքականություն
09.08.2019 | 19:02
Հայաստանիև Ադրբեջանի միջև բանակցությունների միջոցով Լեռնային Ղարաբաղի վերջնական կարգավիճակի և հակամարտության կարգավորման հարցում Ռուսաստանի դիրքորոշումը մնում է անփոփոխ: Համառուսական երիտասարդական ֆորումի ժամանակ անցկացված ճեպազրույցում այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը:
«Ռուսաստանը ելնում է այն հանգամանքից, որ Լեռնային Ղարաբաղի վերջնական կարգավիճակը պետք է որոշվի Հայաստանի և Ադրբեջանի միջև բանակցությունների միջոցով: Դուք գիտեք մեր դիրքորոշումը, այն չի փոխվել»,- ասել է Զախարովան:
Նա նշել է, որ Մոսկվան շարունակում է աջակցել ղարաբաղյան հակամարտության խաղաղ կարգավորմանը: «Մեր կողմից, լինելով ԵԱՀԿ Մինսկի խմբի համանախագահող երկիր և հաշվի առնելով Մոսկվայի սերտ հարաբերությունները Բաքվի և Երևանի հետ, շարունակում ենք նպատակաուղղված լինել աջակցությանը՝ նպատակ ունենալով առաջ մղել խաղաղ գործընթացը»,- հավելել է Մարիա Զախարովան:
ՌԴ ԱԳՆ ներկայացուցիչը նաև հավելել է, որ Հայաստանի և Ադրբեջանի փոխադարձ մեղադրանքները մտահոգում են ռուսական կողմին: Նրա խոսքով՝ նման հռետորաբանությունը չի նպաստում բանակցային գործընթացի համար բարենպաստ պայմանների ձևավորմանը և հակամարտության կարգավորման փոխզիջումային տարբերակներ որոնելուն:
