07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
«ԵՏՄ ընդհանուր ֆինանսական շուկայի ստեղծումը սկզբունքային նշանակություն ունի տնտեսական կապերի խորացման համար». Նիկոլ Փաշինյան. ՏԵՍԱՆՅՈՒԹ
Տնտեսություն
09.08.2019 | 16:39
ԵՏՄ անդամ պետությունների կառավարությունների ղեկավարների հանդիպմանը, ընդհանուր առմամբ, 15 հարց է քննարկվել, որոնցից շատերի մասով համաձայնություն է ձեռք բերվել: Ղրղզստանում անցկացված Եվրասիական միջկառավարական խորհրդի նիստի արդյունքներով ԵՏՀ ղեկավար Տիգրան Սարգսյանի հետ հրավիրված ճեպազրույցում այս մասին ասել է ՀՀ վարչապետ Նիկոլ Փաշինյանը:
Նիստի օրակարգային հարցերից վարչապետը ներկայացրել է, մասնավորապես, ԵՏՄ-ի շրջանակում ալկոհոլային շուկայի կարգավորման նախագծի հարցը: Նա նշե է, որ փաստաթուղթն ուղղված է ալկոհոլային արտադրանքի փոխադարձ վաճառքում խոչընդոտների վերացմանը և միության շրջանակում խոչընդոտներ թույլ չտալու համար պայմանների ձևավորմանը՝ հույս հայտնելով, որ կհաջողվի վերջնական համաձայնության հասնել:
«Կցանկանայի առանձնացնել նաև հարցը, որը նախատեսում է 2025 թվականն ընդհանուր ֆինանսական շուկայի ձևավորման աշխատանքների ժամանակացույցի մշակումը և հաստատումը: Ընդհանուր ֆինանսական շուկայի ստեղծումը, անկասկած, սկզբունքային նշանակություն ունի ԵՏՄ-ի համար՝ մեր ինտեգրացիոն միավորման հետագա կատարելագործման և ԵՏՄ անդամ պետությունների տնտեսական կապերի խորացման համար»,- ասել է Նիկոլ Փաշինյանը:
Մանրամասները՝ տեսանյութում:
