13.08.2026 | 01:00
ՊՍԺ-ն` Եվրոպայի Սուպերգավաթի հաղթող. ՏԵՍԱՆՅՈՒԹ
«Իրավական «բեսպրեդել է»»․ Նորքի զինված խմբի գործը մնացել է առանց դատավորի
Հասարակություն
09.08.2019 | 16:21
4 տարի շարունակ քննվող Նորքի զինված խմբի անդամների գործը պետք է սկսվի 0-ից։ Այս գործը քննող դատավոր Արմեն Բեկթաշյանը նշանակվել է Վերաքննիչ քրեական դատարանի դատավոր։ Գործը պետք է մակագրվի մեկ այլ դատավորի, այս պահին, սակայն դեռ որևէ մեկին այն չի մակագրվել։ Այս խմբի գործով միակ կալանքի տակ գտնվող անդամի՝ Արթուր Վարդանյանի փաստաբան Լևոն Բաղդասարյանը Factor.am-ի հետ զրույցում ասաց՝ «իրավական «բեսպրեդել է»»․
«Նախքան Բեկթաշյանի նշանակումը տևական ժամանակ էր ինչ դատական նիստեր տեղի չէին ունենում, սա իրավական բեսպրեդել է, որի արդյունքում իմ պաշտպանյալը ոչ թե կալանք է կրում, այլ պատիժ։ Օրենքի ուժով հաջորդ դատավորը պետք է գործը զրոյից սկսի քննել»։
Նշենք, որ այս գործով անցնում է 20 անձ, որպես զինված խմբի ղեկավար ներկայացվում է Արթուր Վարդանյանը, նա միակ ամբաստանյալն է, որը դեռևս անազատության մեջ է գտնվում:
Հիշեցնենք, որ 2015-ի նոյեմբերի 25-ին ԱԱԾ-ն հայտարարություն տարածեց այն մասին, որ Նորք-Մարաշում վնասազերծվել է զինված խումբ:
Ըստ մեղադրանքի՝ Արթուր Վարդանյանի գլխավորած՝ 2015 թվականին Նորք-Մարաշում վնասազերծված 20 հոգանոց զինված խումբը ծրագրել էր բռնությամբ զավթել իշխանությունը:
Լիլիթ Շաբոյան
