27.06.2026 | 11:13
84 տարեկանում մահացել է երգչուհի Ռաիսա Մկրտչյանը
Սամվել Մայրապետյանը վերականգնողական փուլում է․ պաշտպան
Հասարակություն
09.08.2019 | 15:48
Գործարար Սամվել Մայրապետյանը, որը մեղադրվում է կաշառք ստանալուն օժանդակելու համար, դեռևս Գերմանիայում է, գտնվում է վերականգնողական փուլում։
Այս մասին Factor.am-ի հետ զրույցում ասաց Մայրապետյանի պաշտպան Կարեն Բատիկյանը։ Պաշտպանը դժվարացավ ասել, թե երբ է Մայրապետյանը վերադառնալու Հայաստան․ «Վերադառնալու մասին տեղեկություն չունեմ»։
Փաստաբանը նաև տեղեկացրեց, որ Մայրապետյանի կողմից երկիրը լքելուց հետո գործով որևէ քայլ չեն արել։
Սամվել Մայրապետյանը, հիշեցնենք, ձերբակալվել էր 2018 թվականի հոկտեմբերի 6-ին, երեք օր անց դատարանը բավարարել էր նրան կալանավորելու միջնորդությունը: Առանց մանրամասների ՀՔԾ-ից միայն հայտարարում են, որ խոսքը խոշոր չափերի՝ մոտ 7 միլիոն դոլար կաշառք տալուն օժանդակելու մեղադրանքի մասին է։
Դեկտեմբերի 27-ին Մայրապետյանը 30 միլիոն դրամ գրավով ազատ էր արձակվել կալանքից՝ հաշվի առնելով նրա առողջական վիճակը:
ՀՔԾ-ն վերադարձրել էր Մայրապետյանի անձնագիրը, բայց երկրից դուրս գալ չէր թույլատրել։ Այս հարցը լուծվեց ՄԻԵԴ-ի որոշումից հետո, որը Հայաստանի իշխանություններին պարտավորեցրել էր վերադարձնել Մայրապետյանի անձնագիրն ու թույլատրել բուժման նպատակով մեկնել Գերմանիա:
Լիլիթ Շաբոյան
