Կասպից ծովից դուրս են բերվել հուլիսի 24-ին կործանված ադրբեջանական օդուժի ՄիԳ-29 օդանավի որոշ հատվածներ: Ադրբեջանի ՊՆ-ի հաղորդմամբ՝ օգոստոսի 8-ի երեկոյան մասնագետները գտել են օդանավի ընկնելու վայրը:
«Ադրբեջանի ՌՕՈՒ-ի ՄիԳ-29 կործանիչի ընկնելու վայրն օգոստոսի 8-ի երեկոյան տեղորոշվել է»,- նշել են Ադրբեջանի ՊՆ-ում:
Ադրբեջանցի և թուրք մասնագետները կործանիչի որոշ հատվածներ արդեն դուրս են բերել ծովի հատակից, ներկայում նախապատրաստական աշխատանքներ են իրականացվում՝ օդանավի հիմնական մասը դուրս բերելու համար:
Հիշեցնենք, որ Ադրբեջանի ռազմաօդային ուժերի ՄիԳ-29 կործանիչը հուլիսի 24-ին ուսումնական թռիչքի ժամանակ անհետացել էր ռադարներից: Դեպքի առիթով քրեական գործ է հարուցվել:
