03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Ղրղզստանի նախկին նախագահի առանձնատան մոտ հրաձգության հետևանքով 52 վիրավոր կա
Քաղաքականություն
08.08.2019 | 11:09
Ղրղզստանի նախկին նախագահ Ալմազբեկ Աթամբաևը խոստովանել է, որ կրակել է իր տան վրա հարձակում գործած հատուկ նշանակության ջոկատայինների ուղղությամբ։ Մեկ հատուկջոկատային է զոհվել, 52 վիրավոր կա։ Ղրղզստանի նախկին ղեկավարին առայժմ ձերբակալել չի հաջողվել։ Այս մասին հայտնում է ՏԱՍՍ գործակալությունը։
«Իմ կողմնակիցների մոտ զենք չի եղել, հարձակման ժամանակ ես ինքս եմ կրակել»,- ասել է Աթամբաևը։ Այդուհանդերձ, նա նշել է, որ փորձել է մարդկանց չվիրավորել։
Ղրղզստանի նախկին նախագահն ասել է, որ պատրաստ է նպաստել իր առանձնատանը պատանդ վերցված և թիկնապահների հսկողության տակ գտնվող հատուկ նշանակության «Ալֆա» ջոկատի անդամների ազատարձակմանը։ Ավելի ուշ Աթամբաևը հայտարարել է, որ պատրաստվում է Ղրղզստանի մայրաքաղաք Բիքշեկում իր կողմնակիցների հետ հանրահավաք կազմակերպել։
Երկրի գործող ղեկավար Սոորոնբայ Ժեենբեկովն ասել է, որ Աթամբաևը Սահմանադրություն է խախտել՝ ուժայիններին զինված դիմադրություն ցույց տալով։
Հիշեցնենք, որ երեկ՝ օգոստոսի 7-ին հատուկ նշանակության ջոկատայինները գրոհել են մայրաքաղաք Բիշքեկից ոչ հեռու Քոյ-Թաշ գյուղում գտնվող Աթամբաևի առանձնատունը, նրա կողմնակիցները դիմադրություն են ցույց տվել։
2011-2017 թվականներին Ղրղզստանը ղեկավարած Ալմազբեկ Աթամբաևի դեմ պաշտոնավարման ժամկետի ավարտից հետո մի քանի քրեական գործ է հարուցվել, հիմնականում՝ կոռուպցիոն հոդվածներով: Նախկին նախագահը, որն անցել է ընդդիմադիր ճամբար, այս տարվա հունիսին զրկվել է անձեռնմխելիությունից, ինչը նշանակում է, որ նա ցանկացած պահի կարող է քրեական պատասխանատվության ենթարկվել:
Նելլի Մելքոնյան
