15.01.2025 | 22:42
Թրամփն այլևս չի խոստանում 24 ժամում վերջ տալ Ուկրաինայի հակամարտությանը. FT
Կառավարությունը 560 մլն դրամ կհատկացնի աղետի գոտու 92 ընտանիքի
Տնտեսություն
07.08.2019 | 23:19
Կառավարությունը 560 մլն դրամ է հատկացնում աղետի գոտու բնակարանային խնդիրները լուծելու համար:
Նշյալ գումարից 452 մլն-ը ուղղվում է Լոռու մարզպետարանին: 339 մլն 434 հազար դրամով մարզի գյուղական բնակավայրերում ավարտին կհասցվի 24 կիսակառույց բնակելի տան շինարարություն:
50 մլն 553 հազար դրամ կհատկացվի Լոռու մարզի գյուղական բնակավայրերում տնամեձ հողամասերի վրա կառուցված, սակայն բնակելի տան շինարարական որոշ աշխատանքներ ավարտին հասցրած չլինելու պատճառով դեռևս պետական գրանցում չստացած թվով 31 բնակելի տների շինարարական աշխատանքների ավարտման համար:
Եւս 21 մլն դրամ կտրվի Լոռու մարզի գյուղական բնակավայրերում բնակարանային պայմանների բարելավման իրավունքը դատական կարգով վերականգնած մեկ սենյակի շահառու ճանաչված 7 ընտանիքի բնակարանային պայմանները բարելավելու նպատակով ուղղակի ֆինանսական աջակցության տրամադրման համար: Նույն նպատակով 36 մլն դրամ էլ կտրվի Սպիտակ քաղաքի 8 ընտանիքի: 5 մլն 280 հազար դրամ կհատկացվի Սպիտակի մեկ ընտանիքի ԲԳՎ-ով՝ բնակարանի գնման վկայագրի միջոցով բնակելի տուն գնելու համար:
Շիրակի մարզի Ախուրյան, Գետք, Մարմաշեն, Քեթի եւ Հացիկ համայքների 14 ընտանիքի ԲԳՎ-ով բնակարան գնելու համար, ինչպես նաեւ Գետք համայնքում բնակվող Գրետա Հարությունի Բեգլարյանի ընտանիքին գյուղում կիսակառույց բնակարանի շինարարությունն ավարտելու համար կառավարությունը կտրամադրի 75 մլն 301 հազր դրամ:
32 մլն 431 հազար դրամով էլ Արագածոտնի մարզի Ծաղկահովիտ համայնքի Հնաբերդ, Գեղաձոր և Նորաշեն բնակավայրերի 6 ընտանիքի կկարողանան ԲԳՎ-ով բնակարաններ ձեռք բերել:
Նարեկ Կիրակոսյան
