30.04.2026 | 21:27
Այսօրվա փաստաթղթի ստորագրումը նշանակալի քայլ է գյուղական զարգացման ամրապնդման ճանապարհին. Պապոյան
Թուրքիային զայրացրել է Հորդանան գետի արևմտյան ափին բնակարաններ կառուցելու Իսրայելի նախաձեռնությունը
Քաղաքականություն
07.08.2019 | 19:42
Թուրքիայի արտգործնախարարությունը խստորեն դատապարտել է Հորդանան գետի արևմտյան ափին Իսրայելի կողմից նոր բնակավայր կառուցելու վերաբերյալ արտոնությունը: Այս մասին գրում է ermenihaber.am-ը։
Նշվում է, որ այդ շրջանում Իսրայելը արտոնել է 2300-ից ավելի նոր բնակելի շենքեր կառուցել:
Թուրքիայի ԱԳՆ-ի տարածած գրավոր հայտարարության մեջ նշվում է.
«Իսրայելը շարունակում է խախտել Պաղեստինի ժողովրդի իրավունքները: Մենք մշտապես կանգնելու ենք եղբայրական Պաղեստինի ժողովրդի կողքին: Մենք խստորեն դատապարտում ենք Իսրայելի այդ ոչ լեգիտիմ քաղաքականությունը: Ապօրինի բնակավայրերի ընդլայնման քաղաքականությամբ Իսրայելը բացահայտ կերպով շարունակում է խախտել միջազգային իրավունքը»:
Հիշեցնենք, որ Իսրայելը Հորդանան գետի արևմտյան ափը իր տարածքներին է բռնակցել 1967թ.:
