11.10.2026 | 14:46
Այսօր աղջիկ երեխաների միջազգային օրն է
«Նախկին նախագահի անձնակազմի ղեկավարը ներգրավված է եղել կոռուպցիոն շղթայի մեջ». Արուսյակ Ջուլհակյան․ ՏԵՍԱՆՅՈՒԹ
Հասարակություն
07.08.2019 | 12:02
2000 թվականին զանգվածային ձևով սեփականության իրավունքի խախտում է իրականացվել Կառավարության որոշման հիման վրա, ինչը հակասահմանադրակման է։
Այս մասին այսօր ՝ «ՄԻԵԴ-ի վճիռներն՝ ընդդեմ Հայաստանի. ի՞նչպես առողջացնել դատական համակարգը» թեմայով քննարկման ժամանակ ասաց ԱԺ «Իմ քայլը» խմբակցության պատգամավոր Արուսյակ Ջուլհակյանը։
«2000 թվականին Կառավարությունը որոշում է կայացրել և Բուզանդ 12 հասցեում գտնվող տարածքը ճանաչել գերակա հանրային շահ, ինչի հիման վրա էլ 2004 թվականին Կառավարության մեկ այլ որոշում է կայացվել, ըստ որի, Երևանի քաղաքապետարանը պետք է կոնկրետ ժամանակահատվածում 6 իրավաբանական և 1 ֆիզիկական անձի հետ առանց մրցույթի՝ ուղիղ բանակցությունների միջոցով պայմանագրեր կնքեր և կառուցապատման գործին ընթացք տար»,- նշեց պատգամավորը։
Ըստ նրա՝ Արդարադատության նախարարությունն այս գործում շատ լուրջ դեր է ունեցել, իսկ Արդարադատության նախկին նախարար Դավիթ Հարությունյանի պնդումները, թե ինքը որևէ կապ չի ունեցել, իրականության հետ աղերս չունեն։
Արուսյակ Ջուլհակյանի խոսքով՝ պատմության մեջ նաև նախկին քաղաքապետ Երվանդ Զախարյանն է ներգրավված եղել։
«Քաղաքապետն իր նախաձեռնությամբ փոխել է Կառավարության որոշումը և հանել նշված իրավաբանական անձանցից մեկի անունը, որի փոխարեն, ի դեպ, «Ավանտ-Տուր» տուրիստական գործակալության անուն էր նշված։ Դրա փոխարեն նա նշել է «Վիսկոն» ՍՊԸ-ի անունը, որի սեփականատերը ամերիկահայ Պավել Անդերսոնը, տարիներ անց, ասել է, որ 550 հազար դոլար կաշառք է տվել քաղաքապետին՝ կառուցապատման իրավունքը և իրավաբանական անձանց մեջ իր տեղը «վաստակելու» համար»,- նշեց Արուսյակ Ջուլհակյանը։
Պատգամավորի խոսքով՝ այս ամենն իրականացվել է նախկին նախագահի աշխատակազմի ղեկավար Արմեն Գևորգյանի կոորդինացիայի ներքո։
Մանրամասները՝ տեսանյութում․
Նելլի Մելքոնյան
