02.09.2026 | 13:35
US Open. 40-ամյա Գաել Մոնֆիսն ուշագրավ ցուցանիշ է գրանցել իր ծննդյան տարեդարձի օրը. ՏԵՍԱՆՅՈՒԹ
«Ժամկետների հետ խնդիր կունենանք, եթե պարզվի, որ որևէ գործի մեջ դատական սխալ է եղել». ԲԴԽ անդամ
Հասարակություն
07.08.2019 | 11:54
ՄԻԵԴ ներկայացված գործերի հետադարձ ուժի կամ վաղեմության հետ կապված խնդիրների լուծումները պայմանավորված կլինեն նրանով, թե ինչպիսի փոփոխություններ կունենանք։ Խոսքը պատասխանատվության նոր հիմքեր մշակելու մասին չէ, այլ այն եղած հիմքերի, որոնք կարգապահական գործընթաց հարուցելու իրավունք ունեցող մարմինները պետք է օգտագործեն։
Այս մասին այսօր «ՄԻԵԴ-ի վճիռներն՝ ընդդեմ Հայաստանի. ի՞նչպես առողջացնել դատական համակարգը» թեմայով քննարկման ժամանակ ասաց Բարձրագույն դատական խորհրդի անդամ Վիգեն Քոչարյանը։
«Կարգապահական խախտումների հետ կապված ժամկետների լուրջ խնդիր ունենք այն դեպքերում, երբ խախտումը կապված է դատավորների կողմից ընդունված որոշման բովանդակության հետ։ Այլ կերպ ասած՝ որպեսզի պարզվի, որ գործի մեջ մի բան այն չէ, գործը պետք է Առաջին ատյանից անցնի Վերաքննիչ, Վճռաբեկով պարզվի, որ դատական սխալ է տեղի ունեցել։ Դա բավականին ժամանակատար գործընթաց է՝ առվազն 3-4 տարի։ Խնդիր է առաջանում՝ ինչպես օպերատիվ կերպով ապահովել արագ արձագանքումը»,- ասաց Վիգեն Քոչարյանը։
ԲԴԽ անդամի կարծիքով՝ ՄԻԵԴ-ի հետ կապված գործերում կարելի է հետևյալ կարգավորումը նախատեսել․ վաղեմության կամ անդրադառնալու հնարավորության ժամկետը ՄԻԵԴ-ի կողմից սահմանել համապատասխան դատական ակտն ընդունելուց հետո մեկ-երկու տարվա ընթացքում։
Մանրամասները՝ տեսանյութում․
Նելլի Մելքոնյան
