Հասարակություն
02.08.2019 | 13:41«Սանիթեք» ընկերության տնօրեն Նիկոլաս Թավիլն այսօր լրագրողների հետ հանդիպմանը մեկնաբանեց, թե ինչու էին որոշել մամուլի ասուլիս հրավիրել Թբիլիսիում:
«Մեր նկատմամբ վարչական ճնշումներ կային, որոնք վերջին շրջանում ավելի էին մեծացել, և հենց դա էր պատճառը, որ մենք որոշեցինք մամուլի ասուլիս հրավիրել Թբիլիսիում»,- ասաց նա:
Նիկոլաս Թավիլը չմեկնաբանեց, թե ինչու ինքը չի եկել Երևան՝ մամուլի ասուլիսի, այլ տեսակապի միջոցով է լրագրողների հետ հաղորդակցվում: Լրագրողներից մեկը հարցրեց՝ արդյո՞ք կալանավորվելու վտանգ կար: «Մենք այդ հարցը մեր իրավաբանական թիմի հետ քննարկել ենք, նրանք նպատակահարմար չեն գտել, որ այս փուլում ես լինեմ այդտեղ: Բայց թե ինչ ենք քննարկել, ասել չեմ կարող»,- պարզաբանեց ընկերության տնօրենը:
Մանրամասները՝ տեսանյութում:
Լիլիթ Շաբոյան
