04.02.2026 | 14:53
Չեմ կարող ասել՝ Նիկոլ Փաշինյանը քաղբանտարկյալ եղե՞լ է, թե ոչ. Գալյան․ ՏԵՍԱՆՅՈՒԹ
Սևան-Գետափ ավտոճանապարհին «Mercedes Benz C180» մակնիշի ավտոմեքենան ընկել է մոտ 15 մ խորությամբ ձորը. կան տուժածներ
Հասարակություն
02.08.2019 | 10:48
ՀՀ ԱԻՆ-ից տեղեկացնում են, որ օգոստոսի 2-ին՝ ժամը 00:11-ին, «911» ծառայությանն ահազանգ է ստացվել, որ Սևան-Գետափ ավտոճանապարհին՝ Ծովազարդ գյուղի մոտակայքում, տեղի է ունեցել ՃՏՊ՝ ավտոմեքենան դուրս է եկել ճանապարհի երթևեկելի հատվածից և ընկել ձորը, կա տուժած. անհրաժեշտ է փրկարարների օգնությունը:
«Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Սևան-Գետափ ավտոճանապարհի մոտ 19-րդ կմ-ին «Mercedes Benz C180» մակնիշի ավտոմեքենան (վարորդ՝ Գ.Խ., ծնված 1973 թ.) դուրս է եկել ճանապարհի երթևեկելի հատվածից և ընկել մոտ 15 մ խորությամբ ձորը:
Մինչ փրկարարների՝ կանչի վայր հասնելը վարորդը և ուղևորն (Ք.Բ., ծնված 1980 թ.) ավտոմեքենայից դուրս են բերվել քաղաքացիների ուժերով և հոսպիտալացվել Գավառի ԲԿ, որտեղ բժիշկները տուժածների առողջական վիճակը գնահատել են բավարար:
Փրկարարները հոսանքազրկել են ավտոմեքենան և փակել գազի բալոնի փականը»,- ասված է հաղորդագրությունում:
