Մենաշնորհները շատ սխալ են. ամերիկահայը՝ Հայաստանի տնտեսության մասին

Եթե Հայաստանում մարդիկ ուզենան գործ դնել՝ հարց կառաջանա՝ արդյոք նրան կխոչընդոտե՞ն: Այս մասին այսօր Հայաստան-սփյուռք 6-րդ համահայկական համաժողովի շրջանակներում լրագրողների հետ զրույցում բարձրաձայնեց ԱՄՆ-ում գործող հայկական արհմիության ներկայացուցիչ, սոցիոլոգ Ստեփան Հովակիմյանը:

«Ենթադրենք՝ դուք շաքարավազի գործով եք զբաղվում, ես էլ եկա ու շաքարավազի գործ դնեի, բայց ի տարբերություն  քեզ՝ 10 դրամի փոխարեն 9 դրամ դրեցի, դու կբարկանաս և կուզես մի ձևով ինձ ցրես: Կգաս, մոտս կասես՝ Ստեփան ջան, գործդ փոխի»,- պատկերավոր ներկայացրեց սփյուռքից ժամանած Ստեփան Դանիելյանը:

Նրա խոսքով՝  մենաշնորհները շատ սխալ են, բայց ըստ մեր հայրենակցի՝ մենաշնորհներ կան աշխարհի շատ երկրներում. «Սիրիայում էլ է այդպես, ով նախագահի շրջապատից է, հնարավորություններն ավելի շատ են»:

Հարցին՝ ինչ պետք  է անի նախագահ Սերժ Սարգսյանը, որպեսզի Հայաստանում ապրող հայերի թիվը  2040 թվականին հասնի 4 միլիոնի, Հովակիմյանն ասաց՝ նախ պետք է պայմաններ ստեղծի, որ Հայաստանի ժողովուրդը բարգավաճի:

«Այդ 4 միլիոնը կգա ինքն իրեն, եթե տեղացուն տաս առիթ, որպեսզի ինքը բարգավաճի: Եթե տեղացին բարգավաճի, դրսից առանց ասելու կգան: Եթե մեկը ուսում ունի, թող իր ուսմանը համարժեք գործ գտնի: Մենք արդյոք չենք կարո՞ղ այստեղ մնալ և հավաքարարին հավաքարարի գործ տալ, ինժեներին՝ ինժեների, որպեսզի մարդիկ չգաղթեն: Ամեն մեկն իր գործը պետք է անի»,- հավելեց Հովակիմյանը:

Մանրամասները՝ տեսանյութում:

Շողիկ Գալստյան