Հասարակություն
31.07.2019 | 17:57
Երևանի ընդհանուր իրավասության դատարանում Գագիկ Պողոսյանի նախագահությամբ ընթացող Դանիել Իոաննիսյանի և Արթուր Սաքունցի՝ ԱԱԾ-ի դեմ հաղորդմամբ գործի հարուցումը մերժելու դեմ բողոքի քննությունը հետաձգվեց:
Դատարանը չթույլատրեց դատական նիստը տեսանկարահանել:
Դատական նիստին ներկա էր միայն մեղադրող դատախազը, որը հայտարարեց, որ Դանիել Իոսաննիսյանի բողոքը առանձին է քննության առնվել այլ դատավորի կողմից, Արթուր Սաքունցինը` այլ: Նա միջնորդեց երկու գործերը քննել մեկ վարույթում:
Դատարան քիչ ուշացմամբ եկավ նաև Դանիել Իոաննիսյանի ներկայացուցիչը, որին, սակայն, դատարանը չթույլատրեց ներգրավվել նիստին, դատախազի ներկայացրած իրավիճակի պատճառով:
Դատավորը որոշեց հաջորդ նիստը նշանակել հոկտեմբեր ամսին, որի ընթացքում կքննարկվի նաև դատախազի միջնորդությունը:
Հիշեցնենք, ըստ հաղորդման, ԱԱԾ-ում Գարեգին Միսկարյանի հետ կապված չարաշահել էին վարչական ռեսուրսը, և ՀՔԾ-ն հրաժարվել էր այդ առթիվ՝ Արթուր Վանեցյանի դեմ քրեական գործ հարուցել:
Հաղորդումը ներկայացրած անձինք բողոքարկել էին դատարանի այդ որոշումը:
