29.03.2026 | 19:15
Իրանը սպառնում է հարվածներ հասցնել տարածաշրջանում ԱՄՆ-ի և Իսրայելի համալսարաններին
Դատարանի որոշմամբ Մանվել Գրիգորյանի որոշ գույքի վրայից կալանքը հանվեց. ՏԵՍԱՆՅՈՒԹ
Հասարակություն
30.07.2019 | 16:50
ԱԺ նախկին պատգամավոր Մանվել Գրիգորյանի գործով դատական նիստին դատավոր Մնացական Մարտիրոսյանը որոշեց Մանվել Գրիգորյանին պատկանող գույքի մի մասը ազատել արգելանքից:
Հիշեցնենք, որ Պետեկամուտների կոմիտեն գրություն էր ուղարկել դատավորին այն մասին, որ ՊԵԿ իրավաբանական վարչությունը խնդրում է այս գործով գույքի վրա դրված կալանքի մի մասը վերացնել՝ հնարավորություն տալով, որպեսզի ՊԵԿ-ը աճուրդ-վաճառքի եղանակով գույքի իրացում անի՝ 1 միլիարդ 18 միլիոն դրամի շարժական և անշարժ գույքը վաճառի և ուղղի պետբյուջե՝ որպես հարկային պարտավորության կատարում:
Նամակում, դատավորի փոխանցմամբ, շեշտված է, որ խոսքը «Արա և Այծեմնիկ» ԲԲԸ-ի մասին է, որի ողջ գույքի վրա նախաքննական մարմնի կողմից կիրառված է կալանք:
Դատական նիստը հետաձգվել էր, որպեսզի հարցի շուրջ Մանվել Գրիգորյանի տեսակետը նրա պաշտպանները ճշտեն: Նրանք, սակայն, դատարանում ասացին, որ Գրիգորյանի առողջական վիճակից ելնելով հարցը չեն կարողացել ճշտել:
Մանրամասները` տեսանյութում:
Լիլիթ Շաբոյան
