07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ԲԴԽ-ն փակ նիստ է անցկացրել. Դավիթ Գրիգորյանի լիազորությունների հարցը չի քննարկվել
Հասարակություն
29.07.2019 | 17:16
Բարձրագույն դատական խորհուրդը քիչ առաջ փակ նիստ է անցկացրել, որտեղ քննարկվել է մի շարք հարցեր: Այս մասին Factor.am-ին տեղեկացրեց ԲԴԽ անդամ Գրիգոր Բեքմեզյանը:
«Ներքին ընթացակարգային հարցեր ենք քննարկել: Օրինակ՝ դատավորի առաջխաղացման հարց, տեխնիկայի գնման հավանություն տալու հարց, նմանատիպ հարցեր են եղել»,- նշեց նա:
Factor.am-ի հարցին՝ արդյոք անդրադարձ եղել է Երևանի ընդհանուր իրավասության դատարանի դատավոր Դավիթ Գրիգորյանի լիազորությունների ժամանակավոր կասեցմանը, Գրիգոր Բեքմեզյանը պատասխանեց. «Ո՛չ, այդ հարցը չենք քննարկել, որովհետև դրա հետ կապված մենք արդեն որոշում ենք կայացրել»:
Հիշեցնենք, որ Բարձրագույն դատական խորհուրդը հուլիսի 27-ին բավարարել էր Գլխավոր դատախազության միջնորդությունը` քրեական գործ հարուցել նախկին նախագահ Ռոբերտ Քոչարյանի գործով Երևանի ընդհանուր իրավասության դատարանի դատավոր Դավիթ Գրիգորյանի նկատմամբ և ժամանակավորապես կասեցնել նրա լիազորությունները որպես դատավոր:
Նարեկ Կիրակոսյան
