16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Տյումենի մարզում տեղի ունեցած վթարի հետևանքով տուժել են ՀՀ-ից Օմսկ ուղևորվող «Toyota» մակնիշի միկրոավտոբուսի վարորդն ու երկու ուղևոր. ՌԴ-ում ՀՀ դեսպանություն
Հասարակություն
29.07.2019 | 15:47
Ռուսաստանի Դաշնությունում Հայաստանի Հանրապետության դեսպանությունից հայտնում են, որ Տյումենի մարզում տեղի ունեցած վթարի հետևանքով տուժել են ՀՀ-ից դեպի Օմսկ ուղևորվող «Toyota» մակնիշի միկրոավտոբուսի վարորդն (ծնված՝ 1988թ․) ու երկու ուղևոր (ծնված՝ 1998թ․ և 1976թ․)։
«Քաղաքացիները տարբեր մարմնական վնասվածքներով տեղափոխվել են Իշիմի քաղաքային հիվանդանոց։
Դեսպանությունը մշտական կապ է պահպանում ՌԴ համապատասխան մարմինների հետ»,- ասված է հաղորդագրությունում:
Հիշեցնենք, որ կիրակի երեկոյան մինիվենի ու փոքր մեքենայի բախումից Իշիմի մայրուղում (Տյումենի մարզ) կան զոհ և տուժածներ, տեղեկացրել են «Ինտերֆաքս-Ուրալ» գործակալությանը երկուշաբթի պետավտոտեսչության տարածաշրջանային վարչությունում։
«Բախվել են Renault Logan-ը և Toyota միկրոավտոբուսը, որը Հայաստանից ուղևորվում էր Օմսկ»,- ասել է տարածաշրջանային պետավտոտեսչության աշխատակիցը։
Նրա խոսքով, վթարի հետևանքով զոհվել է մեկ կին, ևս վեց մարդ, այդ թվում՝ 15-ամյա պատանի, տուժել են։
