15.01.2026 | 13:42
Ըստ Սինանյանի՝ երկու հայ է զոհվել Իրանում բողոքի ցույցերի ընթացքում․ ՏԵՍԱՆՅՈՒԹ
«Թումանյան» կայարանում հրդեհված գլանատակառները մարելու շտապող փրկարարների մեքենան գլորվել է ձորը. կա 2 վիրավոր
Հասարակություն
29.07.2019 | 12:06
ՀՀ ԱԻՆ-ից տեղեկացնում են, որ «Թումանյան» կայարանում Բագրատաշենից Գյումրի ուղևորվող շարժակազմի գծերից դուրս գալու ու հրդեհ բռնկվելու դեպքի առնչությամբ հրդեհի բարդության 3-րդ կանչով դեպքի վայր է մեկնել ԱԻՆ ՓԾ հրշեջ-փրկարարական ջոկատից ութ մարտական հաշվարկ, այնուհետև՝ ևս մեկ մարտական հաշվարկ:
«Եվս մեկ մարտական հաշվարկ հրդեհի վայր օգնության շտապելու ճանապարհին Վանաձոր-Ալավերդի ավտոճանապարհի 10-րդ կմ-ին դուրս է եկել ճանապարհի երթևեկելի հատվածից և 40 մ գլորվել ձորը. կա երկու տուժած:
Հրշեջ-փրկարարները հրշեջ-փրկարարներ Ա.Ս-ին (վարորդ, ծնվ.1986թ.) և Ս.Ա.-ին (ծնվ. 1981թ.) դուրս են բերել ձորից և մոտեցրել շտապօգնության ավտոմեքենային. տուժածները հոսպիտալացվել են Վանաձորի ԲԿ, որտեղ բժիշկները նրանց առողջական վիճակը գնահատել են բավարար»,- ասված է հաղորդագրությունում:
