19.04.2026 | 17:41
Կապամոնտաժվի Սյունիքի մարզի Մեղրի քաղաքի ջրի մաքրման կայանը, կկառուցվի նորը
ՀՀ-ում հանրային մասնակցության ձևաչափը իմիտացիոն է եղել. «Թրանսփարենսի Ինթերնեյշնլ»-ի գործադիր տնօրեն. ՏԵՍԱՆՅՈՒԹ
Հասարակություն
26.07.2019 | 12:26
Հանրության մասնակցությունը շատ կարևոր է՝ և պաշտոնների նշանակման, և՛ հաշվետվողականության վերահսկողության գործընթացում: «Հակակոռուպցիոն ռազմավարության 2019-2022 թթ. նախագիծ. գնահատականներ և մտահոգություններ» քննարկման ժամանակ նման կարծիք հայտնեց Թրանսփարենսի Ինթերնեյշնլ հակակոռուպցիոն կենտրոնի գործադիր տնօրեն Սոնա Այվազյանը:
«Հասարակության մասնակցության տարբեր ֆորմատներ գոյություն ունեն, որոնցից մեկը հանձնաժողովներում հանրության ներկայացուցիչների ներգրավումն է: Բայց մենք լուրջ վերապահում ունենք մրցութային հանձնաժողովներում հանրության ներկայացուցիչների ներգրավման հետ կապված՝ այն պատճառով, որ Հայաստանում այդ փորձը բավականին տխուր է եղել»,- ասաց նա:
Սոնա Այվազյանի խոսքով՝ Հայաստանում հանրային մասնակցության ձևաչափը վարկաբեկվել է, շատ դեպքերում այն իմիտացիոն բնույթ է կրել՝ դոնորներին ցույց տալու համար, որ գործընթացը ներառական է:
«Մենք վաղուց էինք առաջարկում նույն Կոռուպցիայի կանխարգելման հանձնաժողովի մրցութային խորհուրդը վերացնել, որովհետև այն պարզապես իմիտացիա է եղել՝ Փաստաբանների պալատի և Հանրային պալատի ներկայացվածությամբ, որոնք ակնհայտորեն կոռուպցիայի դեմ պայքարի հետ երբևէ գործ չեն ունեցել»,- նշեց Այվազյանը:
Մանրամասները՝ տեսանյութում:
