15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Պյոտր Պորոշենկոն հարցաքննության է ներկայացել
Քաղաքականություն
25.07.2019 | 17:34
Ուկրաինայի Հետաքննությունների պետական բյուրոյի (ՀՊԲ) տնօրեն Ռոման Տրուբան այսօր Telegram-ում տեղեկացրել է, որ նախկին նախագահ Պյոտր Պորոշենկոն դիմել է Բյուրոյին՝ հարցաքննության օրը փոխելու խնդրանքով: Այս մասին գրում է ՈՒՆԻԱՆ-ը:
«Պյոտր Պորոշենկոյի փաստաբանից դիմում ենք ստացել, որում հաղորդվում է, որ նախկին նախագահն այսօր չի կարողանա հարցաքննության գալ՝ խնդրելով մի քանի շաբաթով հետաձգել այն: Եթե վկան երկու անգամ չի ներկայանում հարցաքննության, մենք կարող ենք հարկադրաբար հարցաքննության բերել: Բայց այս անգամ նախկին նախագահին երրորդ հնրավորությունը կտանք՝ արժանապատվորեն ներկայանալ հարցաքննության և ցուցմունք տալ»,- գրել է Տրուբան՝ հավելելով, որ հարցաքննության օր է նշանակվել օգոստոսի 8-ը:
Պյոտր Պորոշենկոն, ամեն դեպքում, ներկայացել է Հետաքննությունների պետական բյուրո: Լրագրողներին նա ասել է, որ հարցաքննության գնալու համար ստիպված է եղել հանդիպում չեղարկել:
Ավելի վաղ Ռոման Տրուբան հայտնել էր, որ ՀՊԲ-ն ուսումնասիրում է նախկին նախագահ Վիկտոր Յանուկովիչի աշխատակազմի ղեկավարի նախկին տեղակալա Անդրեյ Պորտնովի հայտարարությունը Պորոշենկոյի կողմից տնտեսական հանցագործություն կատարելու մասին, որը կապված է մի գործարանի հետ:
Գործարանի առքուվաճառքի ժամանակ հարկերից խուսափելու և հանցավոր եկամուտների հնարավոր լվացման գործով Պորոշենկոն որպես վկա է անցնում: Նա արդեն մեկ անգամ՝ հուլիսի 11-ին չի ներկայացել հարցաքննության: Նրա փաստաբանները ՀՊԲ-ի ղեկավարին տեղեկացրել են, որ նախկին նախագահը Բյուրո չի գնացել՝ նախընտրական քարոզչությանը մասնակցելու պատճառով:
