27.09.2026 | 22:05
ՏԻՄ ընտրություններում մասնակցության ամենաբարձր ցուցանիշը Թումանյանում է. այստեղ առաջադրված միակ ուժը ՔՊ-ն էր
«Սպայկա»-ին չենք զիջել, անգամ նախապես հնչեցված 7, 8 մլրդ թվերը գնալով ավելացել են. Դավիթ Անանյան. ՏԵՍԱՆՅՈՒԹ
Քաղաքականություն
25.07.2019 | 14:21
«Քննությունը շարունակվում է, անընդհատ տեղեկատվություն ենք ստանում մեր գործընկեր երկրների կողմից, հաշվարկներ ու վերահաշվարկներ ենք կատարում, ուղղակի այս պահին, հաշվի առնելով «Սպայկա»-ի սերտ առնչությունը գյուղատնտեսության հետ, ընկերության նախորդ ժամանակաշրջանների գործունեությանն առնչվող քրեական մասով մեր քննությունն առանձնացրել ենք, շարունակում ենք և հնարավորություն ենք տալիս, որ այս պահին նրա գործունեության մասով խաթարում չլինի»,- այս մասին այսօր Կառավարության նիստից հետո լրագրողների հետ զրույցում ասաց ՊԵԿ նախագահ Դավիթ Անանյանը:
Հարցին՝ ՊԵԿ-ը մտադիր է զիջումների՞ գնալ, Անանյանը պատասխանեց. «Չի կարելի այդպիսի բան ասել: Զիջել՝ նշանակում է օրենքին հակառակ գնալ, որը մենք չենք պատրաստվում անել: Մենք այսօր ունենք աշխատանք, քննիչները քննչական գործողություններ և դրանց շրջանակում նաև հարակից գործողություններ կատարելու լայն ֆրոնտ ունեն: Մենք աշխատում ենք այն ուղղությամբ, որ ձեռք բերվեն լրացուցիչ փաստեր»:
Ըստ նրա՝ այս փուլում կազմակերպությանն ու կազմակերպության պաշտոնատարներին մի փոքր ազատ են թողել, որպեսզի ընկերության բնականոն աշխատանքով զբաղվեն:
«Բայց դա չի նշանակում, որ մենք հետ ենք գնացել, ընդհակառակը, նախապես հնչեցված 7, 8 մլրդ թվերը գնալով ավելացել են»,- վստահեցրեց Դավիթ Անանյանը:
Մանրամասները՝ տեսանյութում։
Շողիկ Գալստյան
